Xhuljan Sollaku, 20 vjeç, është grabitësi i vrarë nga policia, gjatë përplasjes me armë në orët e para të mëngjesit. Sipas policisë së Fierit, ai është banues në Katundn e Ri, në Elbasan.
Një grup grabitës të armatosur, kishin shkuar në lagjen “29 Nëntori”, në derën e shtëpisë së Minella Muçit, i cili banon së bashku me bashkëshorten pensioniste. Dy të moshuarit kanë ndjerë se dikush kërkonte t’u shpërthente bravën e derës dhe njoftuan policinë.
Policia mbërriti në hyrjen e pallatit dhe aty, dy ose katër persona me armë qëlluan direkt. Policia iu përgjigj zjarrit të armëve me zjarr dhe për pasojë, Xhuljan Sollaku u vra direkt, ndërsa Arben Muço, 35 vjeç nga Puka dhe banues në Ndroq të Tiranës është plagosur.
Dy ose katër grabitësit e tjerë ikën duke shfrytëzuar natën dhe motin e keq. Ndërsa policia mori të plagosurin dhe e çoi në spital, ndërsa në vendngjarje janë mbledhur shumë prova.
Operacioni për kapjen e grabitësve të tjerë po vijon, ndërsa në vendin e ngjarjes kanë mbetur shenjat e plumbave.
